Berriz orientatzeko misio bat

Haurtzaroari eskainitako eginkizun batean, Brana eskolan kokatua, Lea gazte horien artean da. « Oro har, eskola-orduz kanpoko uneak dinamizatzen ditut, hiriko bi langilerekin batera”, azaldu du. Baina hilabete batez geroztik, bereziki belaunaldi arteko olinpiaden antolakuntzari lotu natzaio, eskolako haurrak, haien gurasoak, Eguzkian EHPADeko egoiliarrak, baita hiriko gizarte eta kultura guneko gazteak ere biltzen dituena. »
Olinpiada hauek apirilaren 29ko asteazken arratsaldean burutu dira, zazpi probatan, eta 14 talderen parte-hartzearekin. Bakoitzak adineko bat, guraso bat, gazte bat eta haur bat zituen, errelebo lasterketa eta ibilaldietan, txingoka jokoan, galdeketa batean eta sokatira jokoan parte hartuz... Dena giro atsegin batean. « Hasieratik, auzo bereko bizilagunen arteko belaunaldi arteko proiektu bat abian ezarri nahi nuen », segitzen du Leak. Orain, hori gauzatu da, animatzaileen, Rachel gure guneko tutorearen eta Dimitri eta Kylianen laguntzari esker; azken honek, gainera, «  Mon école Jean-Pierre Brana  » dokumentalaren bideoaren sorreran lan egin du.»

Zerbitzu zibiko baten onurak

Beren eginkizunetan zehar, gazteek beren proiektu propio bat gauzatzen dute, hasieratik bukaerara beraiek diseinatua. Horrek beti eragin ona du CV batean, eta, gainera, bidean zehar prestakuntzak errezibitzen dituzte: animazio baten prestaketa, ziberjazarpenaren inguruko sentsibilizazioa, elikadura, PSE1, herritartasuna, aniztasunarekiko errespetua, etab. Gainera, Nellyk, boluntarioen taldeko koordinatzaileak, laguntza ematen die lanbide-bide bat bilatzeko orduan. Bilaketa horrek fruituak eman dizkio Leari, eta orain Hezkuntza Zientzietan ikasketak berriz hasteko asmoa du, eskola-irakasle bihurtzeko. « Ohartu naiz gustuko dudala transmititzea, animatzea eta hilabeteetan zehar haurren talde baten bilakaerari segitzea », azaldu du. Kylianentzat ere emankorra izan da, eta hark ere haurrekin lan egiten ikusten du bere burua, baina eskola-orduz kanpoko denboran. Dimitri da oraindik zalantzan den bakarra. Zerbitzu hau hasi aitzinetik, lehen mailan utzi zuen eskola, ez baitzuen gustuko bideratu zuten lanbide-ibilbidea. Alta, 17 urte besterik ez dituela, pentsatzeko denbora baduela uste du, azken esperientzia honi eta haren onurei atxikiz: sormenean irabazia, norberarenganako konfiantza handitzea, eta talde-lanaren zentzua, adin guzietako publikoekin, haurtzarotik adinekoen arteko laugarren adineraino.