Hazitik loreraino, ekoizpen kontrolatua

Lau dira negutegietan lanean ari direnak: loreontzietan ezartzen, ureztatzen, banatzen, berriz landatzen, ebakinak egiten, belar txarrak kentzen, zaintzen, eta, noizean behin, sortak ere osatzen dituzte. Apirilaren bukaeran, haien ahaleginak bereziki ikusgarriak dira: urteko 12.000 eta 15.000 landare artean, denak prest dira lekua uzteko eta masibo, parke, lorategi eta zintzilikarioetan lurrean landatuak izateko. Hainbat hilabeteko lan optimizatuaren emaitza dira, esperientzia luze baten fruitua. Ekologikoa da, eta gainera, pertsona bakoitzaren osasuna errespetatzen du. Hamarkadetan zehar, Berdeguneen zerbitzuak landare-ekoizpenean metodo arduratsuak aplikatzen ditu: ez da produktu fitosanitariorik erabiltzen, negutegi eta masiboetan belar txarrak eskuz kentzen dira, negutegietako ureztatzeko euri-ura berreskuratzen da, eta intsektu lagungarriak erabiltzen dira gaixotasunen eta parasitoen aurka borrokatzeko.

Iraunkorren ekoizpen eraginkorra

Udaberrian landatzen diren urteko landareez eta udazkenean landatzen diren biurtekoez gain, lorezaintza zentroak landare iraunkorrak ere ekoizten ditu. 2024aren bulaeratik, gainera, gehiago ekoizten hasi da, Tram'bus ibilbideen inguruneak edertzeko xedearekin. Urte bukaeran, Balichon auzoaren ondotik doan bide zatia kapilarrez, huntzez, salbiaz, hemerokalisez, pennisetumaz eta agapantuz landatuko da, taldeak ekoitzitakoak. Hazi ereiteko, banatzeko eta berriz ontziratzeko lan zehatzari esker, aurrezki handiak lortu ahal izan dira.