Duo Day, birmoldaketarako urratsa

Baiona Hiriko Higiene eta Segurtasun Zerbitzua duela 40 bat urte sortu zen, batez ere hiriko auzo zaharretan diren apartamentuen osasungarritasuna zaintzeko. Ordutik, misioak segurtasunari lotutako gaietan handitu dira, ekitaldi handien antolakuntzarekin erlazionaturik. Hori horrela, Patrick-en eguna halako bilkura batekin hasi da, Mathieu Pouyau bere lankide eta teknikariaren laguntzaz; urtearen bukaerako lasterketa prestatzen diharduen bilkura bat, parte-hartzaileen segurtasuna eta segurtasuna bermatzeko helburuarekin.

Eraikin baten bisita

Bestelako izaerakoa, Patrick eta Mathieu-ren bigarren bilkura Baiona Ttipian izan da. Xabi Duhalde Higiene eta Segurtasun zerbitzuko arduradunordeak gidaturik, eraikin bateko lau etxebizitzen bizigarritasuna egiaztatzea izan da xedea; eskailerako kutxa komun baten bi aldeetan banaturik egotea da haren berezitasuna. Bi giltza pean alokatuak dira, Baionako apartamendu zaharren ohiko ezaugarria: sukaldea, normalean, eraikinaren gibelaldean kokatua da eta eskailera kutxara ematen du, egongela eta logelak karrikara ematen duten bitartean. "Gelen kokapen hori hobea da, Xabi Duhaldek azaltzen duenez. Sute bat pizten bada eraikinean, karrikatik sartuko lirateke suhiltzaileak eta argi da eraikinaren gibelaldean baino karrikatik bizilagunak ateratzea errazagoa dela." Gela hauen banaketaz gain, teknikariek solairuen egoera egiaztatzen dute, hormen edo lurraren puztadurak behatzen dituzte, eta horiek eraikinaren egitura beraren arazoak agerian uzteko parada dute. "Gure lan finagoa eragozten dute sabai faltsuek, hormako xaflek eta estaldurek, hormigoi hondoratuzko kaperek berriz nibelatzeko. Kalte handiak gorde ditzakete, hain zuzen ere."
Notarioak dira, neurri gisa eta salmenta-kontratuetan klausula etegarriak ez gehitzeko, Baiona Hiriko zerbitzuarekin harremanetan ezaertzen direnak, eta honek eraispen-agindurik dagoen eta lokala bizigarria den zehazten du. Patric-ek, berriz, bere lan aurkikiuntzekin kontent dela dio. Bere « Duo Day »-a bulegoko lan batekin sagitzen da, beti binomioan, eta horren arabera, idatz gaitasun bereziak behar dira, bai eta araudiaren ezagutza zorrotzak ere.

Xehetasunak > Handicap et accessibilité

2025ean, 20 « baliozko-desgaitu » bikote sortu dira Hirian. 2022tik, Baiona Hiriak « Duo Day » ekimen nazionalean parte hartzen du, desgaitasuna duten pertsonei lanpostuetan egun batez hartzeko helburua duena, desgaitasuna duten pertsonen laneratze aste europarraren barne eta hiriak sortutako Handi'gnité ekitaldian.