Arte eta Historia Hiriako gidari-hizlaria

Nola antolatzen da Arte eta Historia Hirian eta Turismo Bulegoan lan egiten duen gidari-hizlari baten astea?

Joana : Astelehenetik ostiralera lan egiten dut, batzuetan larunbatetan eta batzuetan igandetan, egunean gehienez hiru bisita eginez, publikoaren arabera bat eta bi ordu bitarteko iraupena duten bisitetarako. Gainera, astean batez beste eta gutienez egun erdi bat kontuan hartu behar da ikerketak egiteko, gure ezagutza esploratzeko edo eguneratzeko eta bisitak aberasteko.

Zer motatako publikoentzat?

Joanna : Gehienetan helduentzat da, eta batzuetan ikasleentzat, gehienetan Baionako lehen mailako eskoletako ikasleentzat, zeinentzat bisitak doakoak diren.

Zein gai jorratzen dituzue?

Joana : Baionaren historia orokorra, bere arkitektura, gotorleku eta kasemateekin loturiko historia militarra, txokolatearekin duen harremana, eta San-Izpiritu auzoa, XVI. eta XVII. mendeetan juduen heltzearekin.... Baiona Arte eta Historia Hiria izendatua denez – izendapena berritu berri da ondoko hamar urterako – ondare izaerakoak diren bisita askoren eskaintza egiten dugu.

Zeintzuk dira lanbide hau egiteko egin behar diren ikasketak?

Joana : Nire kasuan, Euskal Ikasketen masterra dut, gidari-hizlari lizentziaren bidez osatua. Lanbide honen egiteko, txartel profesional bat behar da, eta horri esleitzen zaio gutienez arlo horretan lizentzia bat izatea, eta kanpo hizkuntza batean C1 maila izatea.

Zein hizkuntzatan hitz egiten duzu?

Joana : Euskara, frantsesa, gaztelania, ingelesa eta pixka bat italiarra hitz egiten dut, baina oraindik ez dut bisitarik egiten hizkuntza horretan.

Zure ustez, zein ezaugarri izan behar dira lanbide honen betetzeko?

Joana : Jakinduria, ahozkotasun ona, umorea, gaiak, taldeak eta hizkuntzak egun berean aldatzeko egokitzeko gaitasuna, eta osasun fisiko eta mentalean ona izatea.

Haur hezkuntzako eta haurtzaindegietako bisitak ere eskaintzen ditu Isabellek, VAHko gidari-hizlari esperientziadunena, 34 urte daramatza horretan. Banakako pertsonentzat ere bisitak egiten ditu, Hiriko Gizarte-Kultur Espazioarekin elkarlanean, eta desgaitasuna duten pertsonentzat. Bisiten eskaintza gai zehatzekoin osatzen du: portua bizikletaz, juduen ondarea, katedralaren hegoaldeko dorrea, historiako aldi batzuk (14-18), gustuaren historia...
Xehetasunak > visitbayonne.com