Baionak Emazteen eta Gizonen arteko Berdintasunerako plan bat du

Baionak, 2021eko apiriletik tokiko bizitzan Emakumeen eta Gizonen arteko Berdintasunerako Europako Gutunaren sinatzaile izanik, 2025eko urtarrilean Emazteen eta Gizonen arteko Berdintasun Plan bat onartu du, genero-harremanak politika publiko guzietan normalizatzea eta hiria gizarte berdinzale baten eraikuntzan laguntzea helburu duena.

Oinarrizlo eskubide horrek, bai 1946ko konstituzioak, bai 2014ko agorrilaren 4ko legeak, emazteen eta gizonen arteko egiazko berdintasunerako legean, zeinak 20.000 biztanletik gorako hirietarako xedapen espezifikoak barne hartzen dituen, oraindik ere indarra hartzeko zailtasunak ditu. Desberdintasunek bere horretan segitzen dute, emazteek pairatzen duten sexismoa kasu.

Kontzientzia kolektiboa

Baionako Hiriko Emazteen eta Gizonen arteko Berdintasun Planak, beraz, kontzientzia kolektiboa sustatzeko lan egiten du, bai erakunde berean, bai politika publikoen gauzatzean, bai eta lurraldearen dinamizazioan duen eginkizunean ere.

Barne lan bat egiteaz gain, bereziki zerbitzu guzietan diharduen berriemaileen sare baten sortzea, engaiamendu horrek, emazteak eremu publikoan sustatzea eta berdintasunaren kultura baten garatzea ere aipatzen du, nahitaez estereotipo batzuk suntsituz.

Komunikazio kanpaina bat egina izan da borondatezko politika horri laguntzeko bere deklinabide guzietan, bai eta besta gertakari handi batzuetan, hala nola Baionako Bestak, bereziki eraso sexista eta sexualei buruz sentsibilizatzeko.

Izendatzaile amankomuna

Kanpaina hau hatz-marketan oinarritzen da, bereizkeriarik gabeko izendatzaile amankomun baten sinbolo gisa; baita sinbolo unibertsaletan ere, hiri plural eta berezi baten bakartasuna, batasuna, parekidetasuna, nahasketa edo berdintasuna iradokitzen dutenak, eta aurpegien adierazpenetan ere, emozioen sorta erakutsiz, haserretik gogobetetasunera.

Sinbolo konbinaketa hauek jadanik 2025eko Baionako Bestetan hedatuak izan dira, Mainaren erakus-mahaian, bortizkeria sexista eta sexuala salatzeko.