Baratzezaina/sukaldaria, bi bokazio osagarri

Baionan sortua, Marion Toulouse-n hazi da, non Prozesu Ingeniaritza eta Ingurumen Ingeniaritzako ikasketak ere egin dituen. Bruselako perretxiko-fabrika batean bukaerako praktikak egiten ditu, eta lehen lana Suez multinazionalean topatzen du: sei hilabeteko ikerketa bio-plastikoen gainean. Baina ohartzen da ingurumenaren babesa modu horretan egitea ez dela planeta mailako erronkei erantzuteko nahikoa izanen. Dena den, ez da beretzat egokia den bidea. Orduan barazkigintzan trebatzea erabakitzen du.... Lehen slash-a.
WWOOFing** egiten du Euskal Herriko bi baserritan, tartean bio-intentsiboan lanean ari den barazkigile baten etxean, laborantza mekanizatu gabea. Eta Lanbide Ziurtagiri bat lortu ondotik erabakitzen du antzeko bidean segitzea, hasieran laborantzarako ez ziren bere familiaren lurretan ezartzea.

L'Atalante-eko ostatua

Instalatu eta berehala, berriz ere bere trebetasunak dibertsifikatzen ditu… sukaldari izateko. Bigarren slash-a. L’Atalante zinemako ostatuak, aldi berean, bere sukaldaritza-eskaintza handitu nahi du. Hala, landare-sukaldaritzan trebatu ondoren, kontratu bat sinatu zuen, jakina, eta Bistroko arduradunkide bihurtu zen, Jessicarekin binomioan.

. « L’Atalante ostatuan lanean hasi naizenetik, nire laboreak berriz orekatzen ditut sukaldaritzan gehien erabiltzen denaren arabera: tomateak, berenjenak, patata gozoak eta beste kabaziak. Horrela, nire ekoizpenaren %90 saltzen dut, eta formula honek denbora askatzen dit, merkaturatzeari ez diodana eskainiko”, azaltzen du emazte gazteak. 2026ko hastapenean, Marion barazkigile, sukaldari eta bistroko kudeatzailea da.

*slashing-ak zenbait lanbide metatzeko joera adierazten du, batez ere Y belaunaldian ikusten dena

**WWOOF laborantza iraunkorraren inguruko programa kultural eta hezitzailea da. Boluntarioek, edo « WWOOFeur »-ek, haien gomitatuaren eguneroko bizitza partekatzen dute eta laborantza iraunkorreko praktiketan trebatu, ostatua eta janaria errezibitzeko trukean.