Hezkuntza-Arrakasta Programa Baionan

Hezkuntza-Arrakasta Programa haurrei eta familiei batbederari egokitutako erantzunak dakarzkien neurri bat da, bizitzaren arlo guzietan: eskolaldia, aisialdiak, kirola eta kultura, osasuna…

HAP zer da?

Hezkuntza Arrakastaren Programak (PRE) haurren eta nerabeen aukera-berdintasuna bermatzea du helburu, zaurgarritasun egoeran direnentzat edo haien garapenerako ingurune desegokian bizi direnentzat. 0 eta 16 urte bitarteko haurrei zuzendua da, Baionako lehentasunezko auzoetan bizi direnentzat edo Lehentasunezko Hezkuntza Sarea (LHS) sareko eskoletan eskolatuak direnentzat.

Norentzat?

  • 0 eta 16 urte bitarteko haurren familiak, lehentasunezko auzo hauetakoak: Maubec, Citadelle, MounédéetaSanta-Gurutze.
  • Lehentasunezko Hezkuntza Sarea (LHS) sareko eskola eta kolegioetan eskolatutako haurrentzat: Charles-Malégarie, Jean-Pierre Brana, Aristide-Briand, La Citadelle, Jean-Cavaillès, Jules-Ferry, Pierre Brossolette, Collège Albert-Camus eskolak.

HAP hori zergatik?

  • Adin goiztiarretik bertatik, hauskortasun zantzuak dituzten edo beren garapen harmonikorako ingurune egokirik ez duten haur eta gazteei laguntza ematea.
  • Ibilbide pertsonalizatuak abian ezartzea, diagnostiko partekatua proposatuz eta banakako edo talde ttipietako esku-hartzeak lehenetsiz.
  • Gurasoak modu eraginkorrean inplikatzea; haiek parte hartzen dute beren seme-alabari proposatutako hezkuntza-ibilbidearen definizioan eta segipenean, eta, halaber, zuzenean lagunduak izan daitezke (laguntza ekonomikoa, guraso-eginkizuna betetzeko laguntza).
  • Ibilbideak epe luzera txertatzea.
  • Haurraren garapenean eragina duten faktore guztiak kontuan hartzea (sozialak, kulturalak, osasunekoak, familiakoak, ingurumenekoak)

HAP nola ibiltzen da?

Koordinatzaileak eta ibibide-arduradunak segimendu pertsonalizatua egiten dute, etapatan egituratua:

  1. HAPren izapidetzea
  2. Aurre-ebaluaketa elkarrizketa
  3. Laguntza diziplina anitzeko talde baten egoeraren ikerketa
  4. Familiarekin kontratuak ezartzeko elkarrizketa
  5. Ibilbidearen segipena 18 hilabetetik 2 urtera bitarteko epean.

 

Ibilbideak haurraren beharren inguruan antolatzen dira: kirola, kultura, aisialdia, zaintzak, harreman sozialak, gurasotasuna eta laguntza eskolarra.

HAP-ren ekintza adibideak

  • 3 urtetik beherako haurren eta gurasoen tailerrak: Sofro-sorkuntza, BabyYoga, Musikaterapia,  Irakurket tailerra eta konttinak Libreplume edo Santa-Gurutzeko Mediatekarekin, zirkoa Orekarekin, Le Trait d’Union, Baratze tailerrak Graine de libertérekin, Ludoteka, Babygym UFOLEP-ekin.
  • Familia elkarrizketak:
    • Trait d’Union: 6 urtera arteko haurrak dituzten familientzako gurasotasun-laguntza eta sostengua. Permanentzia CCASean astelehen eta ostegunetan 17:00etatik 19:00etara, aurrez hitz ordua harturik.
    • Familia galderak Ondoan, Atherbéa: 6 eta 11 urte bitarteko haurrak dituzten familientzako gurasotasun-laguntza eta sostengua. Permanentzia CCASean astearte eta asteazkenetan 16:30etik 18:30era, aurrez hitz ordua harturik.
  • Coup de Pouce klubeak: Hizkuntza Klubeak Sekzio handian eskolatutako haurrentzat, eta Liburu Klubeak CP/CE1-ean eskolatutako haurrentzat.
    Klube hauek azaroan hasi eta ekainera bitartean antolatzen dira, eskolako ordutegiaren ondoren, haurren talde txikientzat, HAP sareko sei lehen mailako eskoletan (JP Brana, A-Briand, J-Cavaillès, J-Ferry, La Citadelle, C-Malégarie). Helburua liburuak eta albumak aurkitzea da, animatzaile baten laguntzarekin. Gurasoak etengabe gomitatzen dira istorioak irakurtzen eta tailer desberdinetan parte hartzera.
  • Kanporatze modulua: Camus Kolegiotik 3 egun edo gehiago kanporatutako ikasleek modulua parte hartzeko parada dute, Camus Kolegioko bazkideen mobilizazio handiari esker: ESCM, Prebentzio Espezializatua, St-Etienne MVC eta BIJ… Moduluaren bitartean, gazteek haien lan eskolarra egin dezakete, haien ekintzen ondorioez hausnartu, eta herritartasun-ekintzak garatu … Familiekin, bazkideekin eta kolegioarekin egindako balantzeek gazteek kolegiora itzultzea lasaiago egiteko parada ematen dute.

HAP nola kontaktatu?

  • Gurasoak: Zerbitzuarekin zuzenean harremanetan ezar zaitezke posta elektronikoaren edo telefonoaren bidez. Hurbildu zaitez zure seme-alaba laguntzen ari den profesional batengana (irakaslea, aisialdi eta kultura dinamizatzaileak, gizarte-langileak, osasun-profesionalak, haurtzaindegi edo lehen haurtzaroaren arduraduna, etab.).
  • Profesionalak: Haurraren egoera Hezkuntza Arrakastaren Programako taldeari aurkezteko, eskaeraren bidez betetzeko izapidetzea fitxa bat bidalia izanen zaizu.

Kontaktua :
Marion Berhondo – Koordinatzailea: 06 22 91 13 54 / m.berhondo@bayonne.fr.

HAParen ekintza kolektibo berritzaileak, adin tarte bakoitz

HAPa: 0-3 urte artekoei zuzendutako ekintzak

  • Trait d’Union elkartekoekin familia-elkarrizketak. Trait d’Union elkarteko lantaldeak hautagai diren familiak errezibitzen ditu (ikus HAParen aurkezpen orokorra). Epe motzeko hezkuntza laguntza bat da, familiaren egoera eta haurren zailtasunak ulertzeko, eta erantzunak aurreikusteko haurrak harreman goxo bat berriz ukan dezan bere ingurumenarekin.  
    • Astean bitan, HJLZan, Gaskoien Plaza, hitzordua harturik 05 59 59 53 95 telefono zenbakira deituz, astelehenetan eta ostegunetan, 17:00etatik 19:00etara.
  • 3 urtez peko haurrak dituzten familien laguntza, ama eskolako sartzea baino lehen. Hitz egiteko taldeak, Trait d'Union elkartearekin, eta jarduera desberdinak, ludoteka eta Libreplume elkartearekin, proposatuak zaizkie HAParen hautagai diren familiei, ama eskolako sartzea ahal bezain ongi prestatzeko, 2 urte eta erditik goiti, batez ere Hiriko 2/3 urteko harrerako hiru klaseetan (JP Brana, Zitadela eta Malégarie).

HAPa: 3-11 urte arteko haurrei zuzendutako ekintzak

  • "Liburu esku ukaldi" (CLI) klubak. LHSko lehen mailako lehen urteko klaseekin lotura hertsian, "Liburu esku ukaldi" hamabi klub plantan ezarriak dira, azarotik ekainera, eskolaldiaren ondotik, haur talde ttipientzat, LHSko lehen mailako sei eskoletan (JP Brana, A-Briand, J-Cavaillès, J-Ferry, Zitadela, C-Malégarie). Liburu eta komikiak ezagutzea da helburua, animatzaile batek lagundurik. Maiz, gurasoak ipuin kontakizunetara eta tailer desberdinetan parte hartzera gomitatuak dira.
  • Hezkuntza-arrakastaren tailerrak, CSF eta Kittof-ekin. Baionako Gainetako hamar bat haur errezibituak dira Familien Konfederazio Sindikalera (FKS), asteazken arratsaldetan, testu batzuk sortzeko eta antzezteko, Kittof-en laguntza teknikoa eta artistikoarekin (Sur le Fil elkartea).
  • Parlons’en, eskolatzerako laguntza ekintza. Atherbea elkartearekin, Parlons’en lantaldeak hautagai diren familiak errezibitzen ditu (ikus HAParen aurkezpen orokorra). Epe motzeko hezkuntza laguntza bat da, familiaren egoera eta haurren zailtasunak ulertzeko eta erantzunak aurreikusteko, haurrak harreman goxo bat berriz ukan dezan bere ingurumenarekin.  
    • Astean bitan, HJLZan, Gaskoien Plaza, hitzordua harturik 05 59 63 71 78 telefono zenbakira deituz, asteartean 16:30etatik 18:30etara eta asteazkenean 16:00etatik 18:00etara.

HAPa: 12-16 urte arteko haurrei zuzendutako ekintzak

  • Frantsesa Atzerriko Hizkuntza (FAH) tailerrak, HGSKak proposaturik, Camus kolegioarekin loturan. Frantsesezko komunikazioan oinarritutako tailerrak proposatuak zaizkie Frantziara berriki etorri diren eta Camus kolegioan eskolatuak diren ikasleei. HGSKaren FAH animatzaile batek frantsesez aitzinamenduak egiten laguntzen ditu eskola egun arratsero.
  • Camus kolegioko gurasoen gunea, Educazep-ekin. Camus kolegioko gurasoak gurasoen gunean parte hartzera gomitatuak dira, ostegun arratsaldero, 14:00etatik 16:00etara, honi eskainitako gune batean. Gurasoekin eskolako eta hezkuntza arloko arazoak aipatzeko, hitz egiteko talde ugari eta tailerrak proposatuak dira ikasturte osoan zehar. Horretarako laguntzaile anitz mobilizatuak dira.
  • Arborescence elkarteak proposatutako "kolegioa hobeki bizitzeko" tailerrak, Camus kolegioan. Urtean hirutan, Camus kolegioko eskola bizitzak bideratutako gazte talde batzuk elkartzen dira "norbere buruaren begiramenari" buruzko bost tailer segitzeko. Gurasoekin egiten diren tailer ondoko bilduma sistematikoek gazte horiekin arrakasta bideak eraikitzeko aukera sortzen dute.
  • Aldi batentzat kanporatutako ikasleak laguntzeko modulua, Camus kolegioan. Camus kolegiotik hiru egun baino gehiago kanporatuak izan diren gazteek modulu hau balia dezakete, Camus kolegioko partaideen mobilizazio handi bati esker: HGSK, Prebentzio berezia, Done Eztebeko Herritar Bizitzaren Etxea, Baionar ttipien babesleku laikoa… Moduluaren denboran, gazteek eskolako lanak egin ditzakete, haien ekintzen ondorioei buruz gogoetatu "Ni, herritar gaztea" erakusketari esker, herritar ekintzak segurtatu… Familiekin, partaideekin eta kolegioarekin egiten diren bildumek gazteei kolegiora goxoan itzultzeko bidea eskaintzen diete.