Familia-haurtzaindegiak, haurtzainak eta Haurtzain-etxeak

Haurtzaindegi-laguntzaile batek eskaintzen duen harrerak haurren sozializazioa sustatzen du talde ttipietan; egoera hori bereziki egokia da haurraren erritmoa errespetatzeko, baita haren garapena eta ongizatea bultzatzeko ere. Zure haurraren harreraz arduratzen den profesionalarekin harreman berezia eskaintzen du.

Zer da ama-laguntzaile bat?:

Ama-laguntzailea haurtzaro goiztiarreko sektoreko profesionala da, sortzetik sei urtera arteko haur bat edo gehiago hartzen dituena.

Lan egin dezake:

• Bere etxean;
• Ama Laguntzaileen Etxean (MAM) ;
• Familia haurtzaindegian.

Kasu gehienetan, amaren laguntzailea enplegatzaile partikularraren soldatapekoa da. Hau da egoera ohikoena eta Baionan praktikatzen dena.

Ama-laguntzaile ofizioan aritzeko, beharrezkoa da onespen bat ukaitea, bere bizilekutik Haur eta Ama-babeseko departamenduko zerbitzuek emana.  

Baimen hori ebaluazio baten ondotik ematen da, eta ebaluazio horrek elkarrizketa bat eta hautagaiaren etxera bisita bat barne hartzen ditu, haurrak hartzeko eta haien garapen fisiko, intelektual eta afektiboa bermatzeko beharrezko berme guziak, leku seguru batean eta material egokiarekin, betetzen diren ebaluatzeko.

Ama-laguntzaile batek har ditzakeen haurren kopurua 1etik 4ra bitartekoa da gehienez. Baimenaren erabakian zehazten da aldi berean har daitezkeen haurren kopurua eta, behar izanez gero, haurren adina.

MAMen kasu berezia: MAM batean har daitezkeen haurren kopurua horietan aritzen diren ama-laguntzaileen onespen kopuru osoaren araberakoa da.

Baimena bost eta hamar urtera bitarteko epean ematen da, berritu daitekeena. Epe hori amaitzean, profesionalak bere baimena berritzeko eskaera egin beharko du, eta horrek PMIaren bisita eta ebaluazio berri bat galdetuko du.

Etxera bisita eta ebaluazio-elkarrizketaz gain, ama-laguntzaileak hasierako prestakuntza bat gainditu behar du baimena lortzeko.

Formakuntza hau doakoa da, eta departamenduko zerbitzuek antolatzen eta finantzatzen dute. Prestakuntzak 120 orduko iraupena du guztira, eta lehen zatia (80 ordu) gainditu behar da haurrei harrera egiteko lanari ekin aurretik.

Nola pasatzen da egun bat ama-laguntzaile baten etxean?

Ama-laguntzaile bakoitzak harrera-proiektu bat du, formalizatua edo ez, eta hori aurkeztuko dizu zure lehen kontaktuan.

Ez da « egun tipikorik » ama-laguntzaile batendako, haurren erritmo eta beharretara egokitzen baita, egunero, iratzartze denborak, manipulazio aktibitateak, kantuak, irakurketak etab. Proposatuz, hartuak izan diren heurren adinari eta garapen faseei dagozkienak.

Eguneroko bizitza ateraldiez ere markatua da, haurren sozializazioa errazteko funtsezkoak direnak. Ama-laguntzaile batean etxean haurtzaindegian bezainbat soziabilizazio agertzen da. Haurrak berdin ongi prestatuak egonen dira eskolan hasteko, ama-laguntzaile batek zaindu edo egitura batean izan.

Ateraldiak egunerokoak edo espontaneoak izan daitezke (kanpoko jolas parkeak, ibilaldiak, aurikuktzak merkatuan…) edo Baiona Hiriko Lehen Haurtzaroko Erreleboa (DOJO, gurao haurren harrera lekua, Bizi Etxe hiritarra) animatzaileek antolatuak eta proposatuak izan diren tailerren barnean, edo Hiriko baliabide egiturekin elkarlanean: mediatekak, museoak, kontserbatorioa, Ansot-eko ordokia, CIAP, Baratze Botanikoa, parkeak…   Lehen haurtzaroko erreleboak edo egiturek antolatuak dituzten tailer horiei esker, ama-laguntzaileak beren artean biltzen ahal dira harreratuak diren haurrekin, eta solasaldi eta praktika trukaketa denbora batzuk ukaiten ahal dituzte.

Zein dira egunerokoan dituzten eginkizun nagusiak ?

• Haurrak eguneroko beharrizanetan laguntzea (banaketa, otorduak, pixoihal-aldaketa, loaldia, jolasak, jarduerak) eta eguneroko zaintzak bermatzea (higienea, otorduak), haur bakoitzaren erritmoa errespetatuz;
• Haurrak behatzea, haien garapena eta esnatzea segitu eta sustatzeko;
• Haurraren garapena suspertzeko, jarduera ludiko eta hezigarrien programa bat proposatzea, haurrari egokitua;
• Haurrendako kalitatezko harrera eskaintzea.
• Haurren harreran ingurune seguru bat ezartzea
• Gurasoak lagundu eta entzutea, haurraren egunerokoaren berri ematea (idatziz edo ahoz), haurraren beharrak asetzeko segipena eta koherentzia hezitzailea bermatzeko, familien nahi duten heziketa-ereduari erantzunez.

Gurasoaren, haurraren eta ama-laguntzailearen arteko harremanari lehentasuna ematen zaio haurraren harreraren kalitatean. Baiona Hiriko lehen haurtzaroko erreleboak sostengatzen eta laguntzen du.

Zenbat balio du ama-laguntzaile baten harrera batek eta zer laguntza errezibitzeko parada duzu ?

Familia-kostu ertaina hainbat elementuren arabera aldatzen da:

• Nahi den harrera ordu kopurua;
• Harrera aste kopurua;
• Ama-laguntzaileak aplikatzen duen ordutegi-tarifa (ordu bakoitzeko 4 € eta 5,5 € artean) ;
• Gurasoen diru-sarreren maila;
• Ardurapean diren haurren kopurua.

Izan ere, CAFek ematen duen CMG izeneko laguntzak (Complément de libre choix du Mode de Garde) faktore hauek guztiak kontuan hartzen ditu familiak errezibituko duen laguntza zehazki kalkulatzeko. 2025eko irailaren CMG kalkuluaren erreformaren ondotik, ama-laguntzaile baten harreraren kostu gelditzen den zatia kasik berdina da haur-eskolako kolektibo baten kostuarekin konparatuz.

Adibidea: urteko 45.000 €ko diru-sarrerak dituen eta haurrerako harrera nahi duen familia bat, astelehenetik ostiralera, 8:30etik 17:30era, urtean 47 astez:

• Haurtzaindegi kolektibo baten kostua hilabeteko harrera oso baterako: 
  Orduko prezioa = 2.32€
  Hilabeteko kostua = 417.83€ (45 oreneko 4 aste)
  Kostu honek otorduak eta askariak barne hartzen ditu, baita pixoihalen hornikuntza ere.
• Ama-laguntzaile baten kostua urte osoan zeharko harrerarako (azpiko irizpideen arabera egindako simulazioa):
  Orduko prezioa = 4.40€
  Mantentze laguntza = 4€
  Otordua + askaria = 5€/egun
  Hilabeteko kostua CMG kendurik = 447,12€

Notatzekoa: hau simulazio bat da, adierazgarri moduan. Hilabeteko kostua ama-laguntzaile bakoitzak aplikatzen duen ordutegi-tarifaren menpe da.

Laguntza bat Baionan: Lehen Haurtzaroko erreleboa

Lehen haurtzaroko erreleboko animatzaileak zuen adi dira banakako harrera moduari buruz aholkatzeko;zuen ardurapeko gerakin estimatzeko diru simulazioak egiten laguntzeko; zuen beharren eta igurikapenen araberako ama-laguntzaile baten hautaketan laguntzeko, eta aurlkezten zaizkizuen harrera egitasmoetan laguntzeko; eta zuen gurao enplegatzaile rolean laguntzeko.

Auzoka eguneratutako ama-laguntzaileen zerrendak eskuragarri dira eskaera eginez gero.
Hitzordu bat har dezakezu erreleboko animatzaileekin, zure urrats guzietan lagun zaitzaten.
Posta elektronikoa: rpe@bayonne.fr
Tel.: 05 59 46 61 00