Espazio Digitalak

Zerbitzuak

Denei irekia

Asteko egun guzietan, ESCMeko espazio digitala denentzat sarrera librean da, 14:00etatik 16:00etara. Espazio hau informatika-aholkularitza, ikaskuntza eta laguntzarako lekua da. 

Tailer kolektiboak

ESCMeko espazio digitalak asteko informatika-sarrera tailerrak eskaintzen ditu astearteetik ostegunera, 10:00etatik 12:00etara, eta “Galdera, informatika-arazoak” tailerra (ostirala, 9:00etatik 12:00etara): animatzaileek digitalari buruzko galdera guziak erantzuten dituzte eta erabiltzaileen beharrizanetara egokitutako aterabidea atzematen dute. Tailer hauek doakoak dira.

Ikasleendako lan eta baliabide hezigarrien espazioa

Hezkuntza Laguntzarako Tokiko Kontratuaren (CLAS) esparruan, ESCMeko espazio digitala lan eta baliabide hezigarrien espazio bilakatzen da. Astelehenetik ostiralera, asteazkena izan ezik, 16:30etik 19:00etara, lehen hezkuntzako ikasleak, erdi-hezkuntzakoak eta batxilergokoak ESCMeko lokaletan laguntza errezibitzen dute haien ikasketetan. 

Haurrendako eta nerabeendako denbora dibertigarria

Asteazken arratsaldetan eta ikasturteko oporretan, espazio digitala « jokoak » moduan ezartzen da. Gazteek lekuak bereganatzen dituzte, elkarrekin jolasten dira, trukatzen eta une atseginak partekatzen dituzte.

Malégarie eskolako espazio digitala Internetera eta teknologi berrietara sarrera eta sentsibilizaziorako espazioa da. Eskolan kokatua da, ikastordutik kanpo publiko orori zabalik, eta ikastorduan, ikasle eta talde pedagogikoendako.

Zerbitzuak

Eskola denboraldi garaian

Malégarie eskolako espazio digitalak irakasleei eta haien ikasleei ordenagailu konektatuz Internetera hornitutako gela bat eskaintzen die. Lekua TICE (Hezkuntzarako Informazio eta Komunikazio Teknologiak) proiektu hezigarrien laguntzarako, Internetera sarrera egiteko eta erabilera digital berrien sentsibilizaziorako egokitua da.

Eskola denboralditik kanpo (denboraldi publikoa)

Malégarie eskolako espazio digitala, gainera, publiko guztiei ongietorri eta laguntza eskaintzen dien lekua da, lehenik eta behin familiei eta gazteei, teknologia berriak bereganatzeko.
Sarrera librea: Internet, bideo-konferentzia, testu-prozesadorea, kalkulu-orriak, diapositibak, bektore-marrazketa, argazki-edizioa, 3D, soinua, jokoak…
Gaien araberako eskaintza digitalaren baitan, Malégarie eskolako espazio digitalak astearteetan guzientzat informatika-tailerak proposatzen ditu, 14:00etatik 16:00etara.